बुटवल ।
बुटवलको लुम्बिनी प्रादेशीक अस्पताल परिसरमा रहेका सटरहरु भत्काउनको लागि सामाजिक विकास मन्त्रालयले निर्देशन दिएको छ । अस्पतालको जग्गामा रहेका ७२ वटा सटरहरु टेण्डर मार्फत भाडामा लगाएको दुइ महिनापनि नबित्दै मन्त्रालयले भत्काउन निर्देशन दिएको हो । मन्त्रालयबाट निर्देशन आएकाले छिट्टै औपचारीक बैठक बसेर व्यवसायीहरुलाई सुचना दिने अस्पतालका मेडिकल सुपरिटेण्ड डा. कृष्ण खनालले बताउनुभयो । सटरहरु भत्काएर बाहिरबाट अस्पतालको संरचना प्रष्ट देखीने गरी होंचो पर्खाल लगाइने पर्खाल भित्र बँगैचा बनाएर आकर्षक बनाउने योजना रहेको उहाँले बताउनुयभो ।

गत फागुन २८ गते टेण्डर आवहान भएर जेठ २९ गतेदेखी लागु हुने गरी व्यवसायहीहरुसँग सम्झौता भएको छ । भरखर टेण्डर सम्झौता गरेर बसेका व्यवसायीहरुलाई  खाली गराउन भने कठीन देखीन्छ । मेडिक्रस फार्मेशीका सञ्चालक लक्ष्मण पौडेलले आफूहरुलाई हटाउने गाइगुइ सुने पनि सरकारका तर्फबाट त्यस्तो होला भन्ने विश्वास नलागेको बताउनुयभो । आधिकारीक आयो भने सबै व्यवसायी एक भएर अघि बढ्ने उहाँको भनाइ छ ।

७२ वटा सटरहरुबाट प्रादेशीक अस्पताललाई बार्षिक ७ करोड भन्दा बढी आम्दानी हुन्छ । प्रदेशका सामाजिक विकास मन्त्री सुदर्शन बरालले अस्पताललाई सटरबाट हुने आम्दानी मन्त्रालयले नै उपलब्ध गराउने भएकाले अब सटर राखिराख्न आवश्यक नभएको बताउनुभयो  । ३ महिनाको सुचना दिएर खाली गराउन सकिने व्यवस्था सम्झौतामा नै उल्लेख रहेकाले व्यवसायीलाई हटाउन समस्या नहुने मन्त्री बरालको भनाइ छ ।
मन्त्री बरालले प्रादेशिक अस्पताल विस्तार गर्नको लागि मन्त्रालयले यो निर्णय गरेको बताउँदै अरु पुराना भवनहरु पनि भत्काउने जानकारी दिनुभयो । ‘अरु पुराना भवनलाई भत्काएर नयाँ बनाउँछौं । अस्पताललाई विस्तार गछौं’ उहाँले भन्नभयो

suvakamana